♥唔再怕針♥清~Divana Spa納米針清

我皮膚底層其實都幾乾,所以唔少暗粒...

但針清我真係好怕去做,次次都做花晒塊面

知道Divana Spa有納米針清(聞說針頭好細好細)

咁我就去試下啦

一訓底落黎美容師就細心講解步驟,因為有開暖毯太舒服我都漸漸訓著，

唔知係咪太舒服,不知不覺已幫我清潔完,

再黎就係進行納米針清喇:) 納米針獨立包裝消毒,好衛生

開始真係少少緊張..唔知係咪真係唔痛呀麻

美容師落針係都好溫柔,落針會FEEL到吉一下,

比起過往既針清真係爭好遠..

不知不覺竟然清左唔少粉刺出黎,好勁呀

而且呢個米針清無痛無印技術

係可以減少皮膚紅腫同留疤痕的機會<---超重要

之後美容師就用電棒去幫我既皮膚消炎,同埋可以增加血液循環

最正係做SKIN COOL!!可以極速地將高效精華導入真皮層 比一般導入儀高出20倍架~

刺激膠原再生,即時減輕肌膚泛紅!!

敷MASK我又訓左喇哈哈.仲幫我按摩下,,超放鬆~

到美容師拎鏡比我既時候我感覺我皮膚係白左,好保濕,仲firm左DD

第2朝都只係有好細點既針孔印..過幾日就退

女人真係要好好保養:P


Divana Spa：尖沙咀金馬倫道12號恆信商業大廈2/F 預約熱線：(852) 6228 8144 Divana Spa 專頁：https://www.facebook.com/divanaspa.ayur/

以上分享純粹個人感受
體驗合作邀稿歡迎電郵:
e-mail:kammy41@hotmail.com
Kammy love life.love share.

宣傳你的專頁
貴婦狗強仔之生活樂悠悠

宣傳你的專頁

IG:kammy520

簡單註冊著咩好?89蚊RMB有detail位既白裙!

唔知大家如果是分開註冊,喜歡點既造型

有人問我會唔會著婚紗~~我係撒手擰頭

因為我好懶,鐘意簡單(求其的人)

咁我又唔會去到著T恤牛仔褲咁既地步既...

之後就上左偉大的淘佬睇下喇

目標係白色中長連身裙

想要D有detail位既白裙~就向[蕾絲]/[鏤空]出發

都睇左唔少,最後貪心地買左2條番黎

1號佳麗~(圖片來自淘佬)

價錢: 38 RMB

係,你無睇錯,係38蚊人仔

評價有人PO相,正常

實物

同圖片係相符,

我入面著多左條底裙

因為試衫時懶換淺色內衣

如果唔想著底裙佢有款貴少少好似有層薄絨
應該無咁透既

2號佳麗:

價錢:89 RMB (都係好平)

以下是店家圖

好靚呀,刺身都鐘意恤衫領

佢呢條裙既鏤空好靚

但唔好處其實比一號佳麗多

佢送既底裙是廢的,又短又薄,同圖片完全唔同

所以要所己配底裙,一定要底裙,因為佢真係鏤空~透架

然後條裙唔係好白好白果種,亦唔係米米地,係有點暗,但唔係好影響影相

仲有,佢MARK鈕門位係用了藍色筆,不過扣埋又係唔覺既

呢條裙既設計係有少少前短後場,呀媽唔鐘意

最後2號佳麗勝出,因為1號要縮肚

註冊當天影相好好睇

89蚊人仔真係好抵!!!

希望大家都搵到心水服飾啦:)

一齊去註冊處!可愛既寵物抱枕♥

由於去到邊都好想帶埋我家主子一齊去,

但係註冊處入面係唔可以帶寵物

亦都唔想親友要湊住佢

所以木頭人就話整個抱枕去啦

成件事就交左比木頭人喇

大家睇,是咪好似真既一樣~好可愛呀

 一家3口

 相片最理想係大像素啦

而我用既相都唔係手機相,唔知用手機既相得唔得~我諗好多人都用手機??

主子呢張相係佢好幾年前幫某狗糧品牌拍攝影既,所以你地碌落去睇係圖片與實物不符

嗚~主子可否不要老

 背面係由木頭人設計再比淘佬印

 super cute cute

 er.....確定是本人嗎?

 平時就係咁等野食,眼睛閃下閃下~~點敢唔比你食

love u forever !!!

加工:令註冊更有色彩既奸fu.....結婚公仔~

首先非常多謝我既閨蜜伴娘送左對結婚公仔比我

其實係提早了,因為我話想註冊用,

妳2話不說公司忙(忙公司旅行,哈哈)

都碌出黎買比我,啜啜

註冊日照片(蝦碌野,LOVE變左VELO)

 本頭人是戴眼鏡的,整完真係同木頭人係一樣樣架

 兒子不開心,為什麼繼父無戴眼鏡架?

(點解係繼父,因為兒子已經有爸爸,果個就係我細佬

我都好驚訝)

 咁有無好d呀兒子?

唔掂檔,唔好成日亂黎啦你

好啦好啦XD,之後等伴娘公司旅行完就番來幫我加工

係一件好勁既事,因為佢係唔喜歡做手工,話無天份喎

睇到你咁用心我就感動流涕~又啜啜 

 咁加工太用神都要RELAX下

我地為木頭人整左幾個造型

有盲俠:俠仔

 有呀伯

 er..............

 .............

真正既木頭人

其實本來是想用不織布//點解最後無用呀?

1個字:懶

最後在家搵到之前整爆炸盒比閏蜜用淨既黑色卡紙

慳返兩蚊雞:P

DIY 簡單而整註冊花球(因為係亂黎)

呢個花球其實係3月既時候整既

因為碌太多wow blog,見到唔少B2B都會DIY

咁我都幾喜歡DIY既,之前已經札了一札乾花球

今次就整個絲花球比自己註冊用下

由於本人既註冊好casual,因此我都無打算出去正正經經訂一個花球返來

(BIGDAY就唔同講法,哈哈,咩標準???)

 所有材料都係偉大的淘佬買回來

整既過程都唔洗我多講,左拼拼右拼拼札起就係架喇

 註冊前一日先再綁多條絲帶同埋個手柄位用了麻繩,懶係田園feel

(抱枕遲下再講)

er......我覺得都唔錯呀...咁呢個花球..

現在放0係屋企裝飾下先